Emporium

2016

Identidade visual para a exposición da historia da cidade. Emporium presenta mil anos de relacións comerciais de Vigo desde a Prehistoria ata a chegada dos árabes á Península. Mil anos nos que Vigo xoga un papel destacado na comunicación marítima do noroeste peninsular co resto do mundo coñecido, con momentos nos que foi o único enclave comercial en activo.

Creamos a imaxe gráfica e colaboramos cos arquitectos para presentar, de xeito sinxelo e didáctico, máis de 200 obxectos arqueolóxicos, restaurados e documentados expresamente para a exposición. Elaboramos tamén o catálogo da exposición, realizando as fotografías de cada unha das pezas.

Este proxecto foi galardoado na V Edición dos Luxury Advertising Awards, na categoría de Mellor Produción Gráfica de Exposición 2017.